నాలో నేను నాతో నేను

ఆలోచనలని దూరం చేయాలనే తపన
యెడ తెగని ఆలోచనలు 
ముంచెత్తుతూ
నాలోని నన్ను నాకు 
ఎత్తి చూపుతున్నాయి

నీవు నటిస్తున్నావని
ఎగతాళి చేస్తున్నాయి
నేడు నేనుగా ఉండలేని నేను
రేపటి కోసం
ఆరాటపడుతూ నేనే

నేటి నుండి నన్ను నేను
విరమించుకోలేను
నా నిస్సహాయతకు
నాకే నీరసం వస్తుంది

నాది కానిదానికోసం
ఎందుకింత వ్యామోహం
ఎందుకింత నాటకీయత
రాదనీ తెలిసీ
కాదని తెలిసీ
ఏమిటీ ఎదురుచూపు

ఏదో బాధ కాల్చేస్తుంది
నీవు రావు
నాకు నీ ఆశ చావదు
శుష్కింపచేస్తోంది
నన్ను ఈ యాతన

వర్ణలేఖ - 06april2012